195
Ауа-райына байланысты бірнеше облыста жүргізушілерге ескерту жарияланды
«ҚазАвтоЖол» компаниясы республикалық автожолдардағы ауа райы туралы мәліметті ұсынды.
Алдын-ала болжам бойынша 2025 жылдың 16 қаңтарында Ақмола, Атырау, Ақтөбе, Абай, Батыс Қазақстан, Жамбыл, Қарағанды, Қызылорда, Қостанай, Маңғыстау, Павлодар, Түркістан, Солтүстік Қазақстан, Шығыс Қазақстан және Ұлытау облыстарында қар жаууы ықтимал, деп хабарлайды turkystan.kz.
«Сол себепті жүргізушілерден қауіпсіздік ережелерін қатаң сақтап, жолдардағы ауа-райының қолайсыздығын ескеруді сұраймыз», - делінген баспасөз хабарламасында.
1403 байланыс орталығына хабарласып, тәулік бойы қосымша ақпарат алуға болады.
