169
Мемлекет басшысы Черногория Президенті Яков Милатовичке көңіл айту жеделхатын жолдады
Президент Цетине қаласында орын алған қайғылы оқиғаға байланысты көңіл айтты.
Қасым-Жомарт Тоқаев Цетине қаласында орын алған жантүршігерлік оқиға салдарынан көптеген адамның, соның ішінде балалардың қаза тапқаны туралы суыт хабарды күйзеліспен қабылдағанын жеткізді.
Президент Черногория халқының қайғы-қасіретіне ортақтасып, жақындарынан айырылған отбасыларға көңіл айтты. Сондай-ақ зардап шеккен азаматтардың тез арада сауығып кетуіне тілектестік білдірді.
