Қармақшы ауданында браконьердің көлігінен 12 қап киік мүйізі табылды

20 желтоқсан күні Қызылорда облысы Қармақшы ауданында инспекторлар жол талғамайтын көлікпен жүрген екі жергілікті тұрғынды ұстады.

Автокөліктерді тексеру барысында 32 жануардың ұшасы мен 12 қап киік мүйізі табылды.

Аталған дерек бойынша Қазақстан Республикасы Қылмыстық кодексінің 337-бабы 1-бөлігі («заңсыз аңшылық») бойынша сотқа дейінгі тергеу басталды. Тергеу амалдары жалғасуда.