«Бәрі жалған»: Сырым Исабаев Қайрат Нұртас екеуіне қатысты қауесетті жоққа шығарды

Сахнадан біраз жыл көрінбей кеткен әнші Сырым Исабаев «1001 түн» бағдарламасында көпшілік көкейінде жүрген сұраққа жауап берді.

Ол Қайрат Нұртаспен қандай қарым-қатынаста екенін мәлім етті.

«Қайрат екеумізге айтылған әңгіменің бәрі жалған. «Ренжісіп қалыпты, ақшаға таласыпты» деген сөздердің бәрі өсек. Мен 10 жылға жуық өнерден кетсем де, өнердегі достарымды сақтап қалдым. Қайрат та жеке әнші болып танылды. Мен де ән айтып жүріп, Қайраттың анасының көзіне түсемін. Сондай кезде дуэт жазу идеясы ойға келеді. Бір жыл ішінде бірнеше ән жазып, бейнебаян түсірдік. Біздің дуэтімізге менің әкем демеуші, Қайраттың анасы продюсерлік етті. Жобаларымыздың бәрі халықтың көңілінен шықты. Қайраттың таланты керемет. Қанша жыл сахнада жүр, әлі де берері көп азамат. Қайратпен жұмыс істеу өте жеңіл болды», – деді ол.