Жетісуда жоғалып кеткен шопан табылды
Шопанді іздестіру жұмыстары аяқталды.
Жетісуда жоғалған шопан аман-есен табылды, деп хабарлады turkystan.kz ІІМ баспасөз қызметіне сілтеме жасап.
Жетісу облысының полиция қызметкерлері 8 желтоқсанда Ақсу ауданында хабар-ошарсыз кеткен 68 жастағы шопанды іздестіру жұмыстарын сәтті аяқтады.
Шопан қысқы жайылымға 600 қой мен 200 ешкіден тұратын үлкен табынымен шыққан. Алайда ол ұзақ уақыт бойы байланысқа шықпаған соң, туыстары мен жергілікті тұрғындар алаңдаушылық білдірді.
Іздестіру жұмыстарына полиция қызметкерлері мен Төтенше жағдайлар департаментінің мамандары жұмылдырылды. Үйлесімді әрі жедел әрекеттің нәтижесінде шопан аман-есен табылып, барлық малы түгел қайтарылды. Қыстың қатал ауа-райына қарамастан, шопанның денсаулығы жақсы болып, медициналық көмекке мұқтаж болмағаны жақындарын ерекше қуантты.
