Екібастұзда 9-сынып оқушысы жоғалы кетті
2009 жылы туылған оқушы іздестіріліп жатыр.
Екібастұзда 2009 жылы туған 9-сынып оқушысы Темірлан Өмірбаев жоғалып кетті, деп хабарлайды turkystan.kz порталы Massaget.kz сайтына сілтеме жасап.
Облыстық полиция департаменті баспасөз қызметінің мәліметінше, кәмелетке толмаған ұлының жоғалып кеткені туралы оның туыстары хабарлаған.
Ол 22 қараша күні сағат 03:00 шамасында М.Әуезов көшесі, 157 мекенжайынан кетіп қалып, оралмаған.
Белгілері: бойы 170–180 см, дене бітімі орташа, шашы қошқыл қоңыр, көзі қоңыр, сол жақ бетінде меңі бар.
Күртеше (ашық қоңыр-қара), қара джинсы шалбар, қара қалпақ және қара кроссовка киген. Ұялы телефоны бар.
Кәмелетке толмаған баланың жүрген жері туралы ақпарат болса, полицияның 102 нөміріне немесе Екібастұз қаласының полиция басқармасына 8 (7187)75-05-45, 75-05-54 телефондары арқылы хабарласуды сұрайды.
