291
Ақтөбе шекарасынан 50 млн теңгенің темекісін алып шықпақ болғандар ұсталды
Алдын ала бағалау бойынша тәркіленген тауардың құны шамамен 50 млн теңгені құрайды.
ҰҚК Шекара қызметінің Ақтөбе облысы бойынша департаменті 28 қазанда «Жайсан» автокөлік өткізу пунктінде ірі темекі партиясын әкетпек болғандардың жолын кесті.
71 мыңнан астам қорап темекі өнімдерін көкөніс өнімдері салынған жәшіктердің астына жасырып, ілеспе құжаттарсыз Қазақстаннан шығаруға әрекеттенген.
Ұсталған жүк әрі қарай қаралуы үшін тиісті органға берілді.
