Орта салмақта WBO тұжырымы бойынша әлем чемпионы Билли Джо Сондерс Геннадий Головкинмен жұдырықтасу үшін Қазақстанға келуге дайын екенін мәлімдеді деп хабарлайды prosports.kz.
«Головкин қартайып келеді. Жасы 35-ке жақындады. Ол қарапайым адам екенін көрсетті. Оның арманындағы жекпе-жек -менімен жұдырықтасу. Мен оның өз еліндегі ең қорқынышты түсі боламын. Қазақстанға барамын. Егер, расымен де, жұдырықтасқысы келсе, келісім-шарт жіберсін. Твиттерде Том Леффлермен сөйлестім, ол келісім-шарттың өткен аптада дайын болғанын айтады. Онымен 11 аптадан соң кездесуге дайын боламын деп уәде беремін. Бұл кездесуді Қазақстанда өткізуге келісемін», - деді Билли.
Бұған дейін Головкин – Сондерс кездесуі маусымда Астанада өтуі мүмкін екені хабарланған болатын.