220
Қазақстанда заңсыз өндірілген үш мың тонна мұнай аукцион арқылы сатылады
Аукционға қатысуға өтінім 27 қыркүйекке дейін қабылданады.
Ақтөбе облысының Мемлекеттік мүлік және жекешелендіру департаменті Сайғақ кен орнында тәркіленген 3 274 тонна мұнай мен мұнай өнімдерін аукционға шығарды, деп хабарлайды turkystan.kz.
Бұл «қара алтын» заңсыз өндірілген. Жер қойнауын пайдаланушы компания келісімшартының мерзімі өтіп кеткен.
Электронды сауда порталының дерегінше аукцион 27 қыркүйекте өтеді. Сайғақта тәркіленген ұнай, дизель, керосин мен битумның бастапқы бағасы 387 млн 495,4 мың теңге.
Мұнай құйылған екі үлкен резервуар, қайта өңделген өнімдер саудаға шығарылады. Бұл өнімдер жер қойнауын пайдаланушыдан 2023 жылы тәркіленген.
Заңсыз мұнайды сатып алғысы келгендер 58,1 млн теңге кепілдік жарнасын төлеуі керек.
