2007 жылы туған бозбала ұсталды.
Павлодарда колледж студенті оқытушыға пышақ сұғып алды, деп хабарлайды turkystan.kz.
«Аталған факті бойынша тергеу жұмыстары басталды. Оқиғаның мән-жайын анықтау үшін құқық қорғау органдарының қызметкерлері студентті ұстады», - делінген полиция баспасөз хабарламасында.
Денсаулық сақтау басқармасы оқытушының арқасына пышақ сұғылғанын айтты. Қазір жәбірленуші хирургия бөлімшесінде ем алып жатыр, жағдайы тұрақты.
