Гиннестің рекордтар кітабы: Оңтүстік Африка фермерлері ең үлкен қара өрік өсірді
«Бұл рекорд орнату үшін арнайы өсірілмеген», – деді Дин.
Оңтүстік Африка фермерлері Дин және Деон Барнард әлемдегі ең үлкен қара өрік өсіріп, Гиннестің рекордтар кітабына енді. Оның салмағы – 464,15 г (16,3 унция).
Бұл бейсбол добының көлеміндегі жеміс 2021 жылы Жапонияда өсірілген Киё сұрпынан 109,78 г (3,8 унция) ауыр болып шықты. Барнардтардың бұл алып қара өрігі Oppie Plaas Boerdery атты фермаларында өсірілді, онда олардың жеті гектар (17,3 акр) аумақта коммерциялық өрік бақтары бар.
«Бұл рекорд орнату үшін арнайы өсірілмеген», – деді Дин.
Алғаш жиналғанда өріктің салмағы 480 г болған, бірақ ылғал жоғалту салдарынан бірнеше граммға азайған. Бұл Autumn Treat сұрпының жемісі, оны Дин қытырлақ әрі тәтті деп сипаттайды. Дин мен Деон соңғы сегіз жыл бойы өрік өсіріп келеді, бұған дейін олардың бұл жеміс туралы ешқандай білімі болмаған. Олар сондай-ақ құлмақ, бадам және пекан жаңғақтарын өсіреді, бірақ қазір соңғы екеуін көбірек өрікпен алмастыруда. Олардың өріктері шамамен жеті айда өседі, ал гүлдену қыркүйекте басталады. Осы жылғы өнімнің ішінде салмағы 400-450 грамм болатын басқа да рекордтық өріктер табылған.
