Алматыда бала саудасымен айналысқан әйел ұсталды

Алматы полициясы кәмелетке толмағандарды саудаға салу фактісін тоқтатты, деп хабарлады turkystan.kz.

Алматы облысында ұйымдасқан қылмысқа қарсы күрес басқармасының қызметкерлері кәмелетке толмағандардың заңсыз саудасына күдікті қылмыстық топтың қызметін сәтті тоқтатты.

«25 тамызда әлеуметтік желідегі «surak.baribar» парақшасында кәмелетке толмағандар мен жаңа туған сәбилерді заңды түрде асырап алуға көмектесеміз деген қылмыстық топтың әрекеті туралы жедел ақпарат түсті. 28 тамызда жедел-іздестіру іс-шаралары барысында Қызылорда облысының тумасы 38 жастағы күдікті анықталды. Кәмелетке толмағандарды сату дерегі бойынша қылмыстық іс қозғалды», – деп атап өтті Алматы облысы ПД бастығы Бауыржан Әленов.

 Күдікті қамауға алынды. Қазіргі уақытта барлық қажетті тергеу шаралары жүргізілуде.