Париж-2024: Боксшы Мұхаммедсабыр Базарбайұлы екінші кездесуінде жеңіске жетті

Бокстан Қазақстан құрамасының мүшесі Мұхаммедсабыр Базарбайұлы екінші айналымда жеңіске жетті.

63,5 келі салмақта жұдырықтасатын Мұхаммедсабыр Базарбайұлы Тайпей елінің боксшысы Ен Чу Лайдан басым түсті.

Бұған дейін ол алғашқы айналымда Ойер Ибареччеден (Испания) айласын асырған болатын.

Осылайша, ұлттық құраманың ең жас боксшысы Олимпиаданың ширек финалына өтті. Ширек финал кездесулері 1 тамызда өтеді.