1122
ШҚО-да Көліктік бақылау инспекциясының басшылары сотталды
Олар мемлекетке 63 млн теңге сомасында залал келтірген.
![ШҚО-да Көліктік бақылау инспекциясының басшылары сотталды](https://turkystan.kz/cache/imagine/1200/uploads/resized-images/2024/07/1721736900.jpg)
ШҚО бойынша Көліктік бақылау инспекциясының лауазымды тұлғалары сотталды.
Шығыс Қазақстан облыстық соты ағымдағы жылы 12 шілдеде облыстың Көліктік бақылау инспекциясының басшысы Б. Нұралиев пен оның орынбасары А. Тұрақбаевқа қатысты үкім шығарды.
Олар лауазымдық өкілеттіктерін теріс пайдаланғаны және кенді салмақ параметрлерінен асыра тасымалдау жолымен кәсіпкерлік қызметке заңсыз қатысқаны үшін кінәлі деп танылды. Олар мемлекетке 63 млн теңге сомасында залал келтірді.
Сот үкімімен Б. Нұралиев пен А. Тұрақбаевқа мемлекеттік қызметте лауазымды атқару құқығынан өмір бойына айыра отырып, 4 және 3 жыл мерзімге бас бостандығынан айыру түріндегі жаза тағайындалды.
Үкім заңды күшіне енді.