Белгілі дизайнер 13 жасында ата-анасына қалай үй алып бергенін айтты
Дизайнер 10 жасынан бастап биге әуестенген. Кейін осы қабілеті арқылы табыс тауып, зәулім үй алған.
Jado лақап атымен танымал дизайнер Жадыра Сахиева 13 жасында ата-анасына қалай үй алып бергенін айтып берді.
Оның сөзінше, ол осыдан 29 жыл бұрын әке-шешесімен екі бөлмелі сарайда тұрған.
Дизайнер 10 жасынан бастап биге әуестенген. Кейін осы қабілеті арқылы табыс тауып, зәулім үй алған.
«1995 жылдары өте қиын заман болатын. Біз ол кезде әке-шешемізбен екі бөлмелі сарайда тұратынбыз. 10 жасымнан билей бастадым. Туыстарым маған сенген жоқ. «Биге бермеңдер» деген сөз өте көп болды. Билеп жүргенде ата-аналардан «мына томпақ қыз пысық екен ғой, біздің де балаларымызға үйретсінші»деген ұсыныс келді. Он балаға үйретіп бастадым. Сол бүлдіршіндер жаңа жылда 1-орын алды. Бәрі таңғалып, «мынау қандай керемет» дей бастады. Алты айдан кейін менде 100 бала болды, бір жылдан кейін олардың саны 300-ге жетті. Мен биден сабақ беретінмін. Ал анам ата-аналармен жұмыс істеп, концерттерге шығу мәселесін шешіп, көмектесіп жүрді. Солай үш жылда 700 оқушы болды», - деді ол.
