eGov порталында қазақстандықтар үшін жаңа қызмет пайда болды
Қызмет құжаттардың екі санаты: орта, техникалық және кәсіптік, орта білімнен кейінгі, сондай-ақ жоғары және жоғары оқу орнынан кейінгі білім туралы құжаттар бойынша жұмыс істейді.
![eGov порталында қазақстандықтар үшін жаңа қызмет пайда болды](https://turkystan.kz/cache/imagine/1200/uploads/resized-images/2024/06/1718966430.png)
eGov.kz порталында білім туралы құжаттарды тану бойынша қызмет пайда болды.
Енді пайдаланушылар онлайн режимінде электрондық үкіметтің порталында жоғары, орта, техникалық және орта білімнен кейінгі білім туралы құжаттарды тану қызметіне өтінім бере алады. Бұл пайдаланушыларға білім туралы бұрын алынған құжаттардың түпнұсқалығын растауға мүмкіндік береді.
Қызметті алу нәтижесінде пайдаланушы бұрын жоғалған құжаттың түпнұсқалығын тану туралы куәлік ала алады, оның телнұсқасын ала алады немесе шетелде алынған білімнің түпнұсқалығын растай алады. Қызмет Қазақстанда және одан тыс жерлерде білім алғанын растайтын құжаттарға таралады.
Қызмет құжаттардың екі санаты: орта, техникалық және кәсіптік, орта білімнен кейінгі, сондай-ақ жоғары және жоғары оқу орнынан кейінгі білім туралы құжаттар бойынша жұмыс істейді.
5 қадам жасап қызметті ала аласыз:
- eGov.kz порталында авторизация жасаңыз
- «Білім» бөліміне өтіңіз;
- қызметтер тізімінен құжаттың қажетті санатын таңдаңыз: «Орта, техникалық және кәсіптік, орта білімнен кейінгі білім туралы құжаттарды тану» немесе «Жоғары және жоғары оқу орнынан кейінгі білім туралы құжаттарды тану»;
- барлық қажетті өрістерді толтырыңыз және файлдарды жүктеңіз;
- қызметке ЭЦҚ немесе смс-пароль арқылы қол қойыңыз (міндетті түрде мобильді азаматтар базасында тіркелу қажет);
Жеке кабинетте сіздің өтініміңізді өңдеу туралы хабарламамен танысу, ол көрсетілген уақыт ішінде келіп түседі.
Бұл қызмет сондай-ақ «Азаматтарға арналған үкімет» мемлекеттік корпорациясы» КЕАҚ бөлімшелерінде офлайн режимінде қол жетімді.