603
Маңғыстауда ер адамды ұрлап, өлтірді деген күдікпен 2 адам ұсталды
Қайтыс болған адам бірнеше күннен бері із-түзсіз жоғалғандар тізімінде болған.
![Маңғыстауда ер адамды ұрлап, өлтірді деген күдікпен 2 адам ұсталды](https://turkystan.kz/cache/imagine/1200/uploads/resized-images/2024/05/1717057921.jpeg)
Маңғыстауда 59 жастағы ер адамды ұрлап, өлтірді деген күдікпен екі әскери қызметкер ұсталды, деп хабарлады turkystan.kz
Тергеушілердің мәліметінше, күдіктілер марқұмның басын кесіп, кейін жерлеген. Тағы бір күдікті қашып кеткен.
Ал қайтыс болған адам бірнеше күннен бері із-түзсіз жоғалғандар тізімінде болған.
Mangystaumedia.kz сайтының мәліметінше, полиция департаментінің баспасөз қызметі адамды ұрлап кетіп, өлтірген екі күдіктінің ұсталғанын растады.
«Екі күдікті ұсталып, уақытша ұстау изоляторына қамалды. Үшінші күдіктіні ұстау бойынша жедел іздестіру шаралары жүргізіліп жатыр. Қазір тергеу амалдары жүруде. Тергеу мүддесі үшін басқа мәліметтер жарияланбайды», - деп хабарлады Маңғыстау облыстық ІІД баспасөз қызметі.