Министр құтқару жұмыстарына жұмылдырылған әріптестеріне үндеу жолдады

Қорғаныс министрі Руслан Жақсылықов су тасқынына қарсы іс-шараларға қатысып жатқан әскерилермен телекөпір арқылы байланысқа шықты. Оған  Батыс Қазақстан, Атырау, Ақтөбе және Солтүстік Қазақстан облыстарындағы елді мекендер мен инфрақұрылым нысандарын су тасқынынан қорғау жұмыстарына тартылған сарбаздар, сержанттар мен офицерлер қатысты.
Бүгінде су тасқынына қарсы іс-ша­ра­ларға Қарулы Күштердің «Оңтүстік», «Астана», «Шығыс», «Батыс» өңірлік қол­басшылықтары әскери бөлім­де­рі­нің, Десанттық-шабуылдау әскер­ле­рі­нің, аумақтық қорғаныс брига­да­ла­ры­ның, РХБҚ бөлімшелерінің әскери қыз­метшілері және әскери инженер­лер қатысып жатыр.
– Биыл еліміздің көптеген өңірі та­биғи апаттан зардап шекті. Алғаш­қы күннен бастап Қарулы Күштер то­­бы төтенше жағдайдың салдарын жою­ға белсенді қатысып келеді. Іс-ша­раларға ұшқыштар, инженерлер, са­пер­лер, дәрігерлер, РХБҚ әскери қыз­мет­шілері және басқа да мамандар жұ­мылдырылған, – деді генерал-пол­ков­ник Руслан Жақсылықов.
Ол сондай-ақ өткен жылы әскери қызметшілер ТЖМ және басқа да күш­тік ведомстволардың мамандары­мен бірге күрделі жағдайда орман өртін сөн­діруге үлкен үлес қосқанын атап өтті. Енді олар елді мекендерді тасқын су басуынан қорғап, келетін зиянды азайтуға және жергілікті тұрғындарға табиғи апатты жеңуге көмектесіп жатыр. 
Өз кезегінде 31775 әскери бөлімі­нің мерзімді қызметтегі қатардағы жауын­гері Илья Кузьмин қиын сәтте сарбаздар елге қолдан келген көмегін ая­майтынын алға тартты.
 – Солтүстік Қазақстан облысына біз Қарағандыдан келдік. Біз үшін өзі­міз­ді тексеретін нағыз сәт енді туды. Бұл ешқандай оқу-жаттығу емес, адам­дар тап болған нақты сыни жағдай. Сон­дықтан оларға көмектесу үшін бар кү­шімізді саламыз, – деді.
«Астана» ӨңҚ-да әскери қызмет ат­қарып жатқан көптеген сарбаз Сол­түстік Қазақстан облысынан шақы­рыл­ған. Сондықтан елді мекендерді то­пан судан қорғау міндетіне олар ерек­ше жауапкершілікпен қарап, жер­лестеріне көмектесуге бар күшін салу­да.
Телекөпір барысында Қорғаныс ми­нистрі лайықты ұл тәрбиелегені үшін сарбаздардың ата-аналарына ал­ғысын жеткізді. Ол барлық әскери қыз­метшілерге шыдамдылық пен төзім­ділік тілеп, тұрақты орналасқан орындарына аман-есен оралуға тілек­тестігін жеткізді.