Бауырын аяусыз ұрған: ер адамның үстінен қылмыстық іс қозғалды
Бұл факті бойынша қылмыстық іс қозғалды
Қарағанды облысының Қушоқы ауылында көпқабатты үйдің ауласында күндіз ер адамды аяусыз ұрып-соққан оқиға видеоға түсіп қалды, деп хабарлады turkystan.kz Azattyq Ruhy-на сілтеме жасап.
Әлеуметтік желіде ұрып-соққан видео пайда болды. Ашулы ер адам екіншісін темір құбырмен ұрып жатқанын байқауға болады. Оқиға күндіз көпқабатты үйдің ауласында адамдардың алдында болады.
Оқиғаға қатысты Қарағанды облысының полиция департаментінің баспасөз қызметі түсініктеме берді.
«Бұқар жырау ауданы, Қушоқы ауылындағы көпқабатты тұрғын үйдің ауласында бұзақылық жасағаны үшін полиция қызметкерлері 28 жастағы азаматты анықтап, ұстады. Бұзақылық әрекетке қатысушылар ағайынды болып шықты. Бұл факті бойынша қылмыстық іс қозғалды», - деп атап өтті Қарағанды облысы ПД.
