Жайық өзенінің суы бесінші күн қатарынан көтеріліп жатыр

Атырау облысында Жайықтан келген суға қарсы жұмыс жалғасып жатыр, деп жазады turkystan.kz kazinform-ға сілтеме жасап.

Су тасқынына қарсы үйінді бөгеттер Жайық өзенінің арнасынан шығуын тежейді.

Төтенше жағдай министрлігінің құтқарушылары тәулік бойы қорғаныс құрылыстарының жай-күйіне мониторинг жүргізіп отыр. 

ТЖ министрі Шыңғыс Әрінов Жайық өзенінің ағысымен Каспийге қарай төмен түсіп, бөгеттерді көзбен шолып тексерді.

Соңғы 5 күн ішінде аймаққа су үздіксіз келіп жатыр.