920
Ертіс өзенінде кеме капитаны суға батып кетті
Суға батқан адам бір тәуліктен бері табылмай жатыр.
![Ертіс өзенінде кеме капитаны суға батып кетті](https://turkystan.kz/cache/imagine/1200/uploads/resized-images/2024/05/1715276399.webp)
Суға батып кеткен азамат әлі де іздестіріліп жатыр, деп хабарлады
Облыстық төтенше жағдайлар департаментіне 8 мамыр күні 23:25-те Аққулы ауданының Шабар ауылы маңындағы Ертіс өзенінде кеме капитаны суға батып кетті деген хабар келіп түскен.
9 мамырда оқиға орнына 4 сүңгуірші жіберілді. Іздестіру жұмыстарына су деңгейінің көтерілуі, қатты жел мен өзен ағыны қиындық тудырып отыр.
Таң атқанда сүңгуірлер іздеу-құтқару жұмыстарын қайта жалғастыратын болады.