Ішінде оқушылар болған: Түркістан облысында «Газель» өртеніп кетті

Түркістан облысында «Шымкент-Самара» автожолында оқушылар мінген газель отқа оранды, деп хабарлады turkystan.kz ТЖМ баспасөз қызметіне сілтеме жасап.

«Шымкент-Самара» автожолында 16 оқушы мен бір жүргізуші болған газельді өрт толығымен шарпыды. Жолаушылар көліктен шығып үлгерген. Олар Қызылорда облысынан Түркістанға экскурсияға бара жатқан, - делінген хабарламада. 

Өрт сөндірушілер өртті 37 минутта сөндірді. Зардап шеккендер жоқ. Оқиғаның себебі анықталуда.