1097
Атырауда апельсинге қақалған зейнеткер өлім аузынан аман қалды
Реанимациялық шаралардан соң әйел есін жиып, облыстық ауруханаға жеткізілді.
Атырауда 73 жастағы зейнеткер апельсинге қақалып, тұншыға бастаған, деп хабарлады turkystan.kz сайты AtyrauPress-ке сілтеме жасап.
Біздің бригада оқи орнына келгенде әйел тіпті сөйлей де алмады. Геймлих әдісімен алғашқы медициналық көмек көрсетілген кезде ол есін жоғалтты. Сөйтіп, клиникалық өлім болды, - дейді облыстық жедел жәрдем стансасы директорының орынбасары Наргиз Абдрахманова.
Абырой болғанда, құрамында фельдшерлер Мейрамгүл Құрмашева мен Аяулым Латиева бар №26 бригаданың ұйымдасқан әрекеті нәтижесінде қайғылы жағдайдың орын алуына жол берілмеді. Реанимациялық шаралардан соң әйел есін жиып, облыстық ауруханаға жеткізілді.
