«Ең жақын досың – өмірлік серігің»: Ләйлә Сұлтанқызының анасы ерлі-зайыптыларға кеңес берді (ВИДЕО)
Танымал тележүргізуші анасының ақыл–кеңес айтқан видеосын жариялады.
Ләйлә Сұлтанқызы анасының ақыл айтқан видеосын көпшілік назарына ұсынды, деп жазды turkystan.kz.
Әңгіме шаңырақ көтерген ер мен әйел адамның арасындағы қарым–қатынас жайлы өрбіген.
“Ерлі-зайыптылар, мүмкін болса, бір-бірлеріңізден ештеңе жасырмай, жақсы әрі достық қарым-қатынаста өмір сүрсеңіздерші. Балалық дос дейді, орта буындық дос дейді, сыныптас дос дейді, жора-жолдастар деп жатамыз. Кейіннен ерлі-зайыпты болып, үйленіп, отау құрғаннан кейін жолдастар болады. Ең жақын досы өз жары мен ері: сырларын бірге айтады, отырып бірге шешеді, қатты сөйлеп қалса, жары кешірімді болады", – деді Ләйлә Сұлтанқызының анасы.
Сонымен қатар телепродюсер анасының ойын толықтырып, жазба жариялаған.
"Ең жақын дос – өмірлік серігің. Дастарқан басында үлкендердің әңгімесі тұнып тұрған философия ғой. Анамның әр әңгімесіне қайталаңызшы-қайталаңызшы деп осылай жазып алуға тырысамын. Мұның бәрі естелік, тарих. Жұбайлар бар әңгімесі таусылған, ал махаббат – таусылмайтын әңгіме", – деп ойын түйіндеді журналист.
