Регбиден Қазақстан ерлер құрамасы Азия чемпионатының жартылай финалында Қатар құрамасын жеңіп, финалға шықты, деп хабарлайды turkystan.kz.
Тартысқа толы кездесуде қазақстандықтар 33:31 есебімен жеңіске жетті. Осылайша, Қазақстан құрамасы 4 мамырда финалда Үндістан мен Шри-Ланка командалары арасындағы кездесуде жеңіске жеткен құрамаға қарсы ойнайды.
Айта кетейік, турнирдің бірінші дивизионының (екінші күшті шағын топ) матчы Шри-Ланкада өтті.
Ең мықты кіші топта 1-22 маусым аралығында Оңтүстік Корея, Малайзия, Гонконг және БАӘ командалары ойнайды.