Қорғаныс министрлігінен СҚО-ға 700-ге жуық әскери қызметші жіберілді

Қарулы күштердің «Астана» өңірлік қолбасшылығы әскерлерінің қолбасшысы полковник Ержан Ибраев Республикалық ақпараттық штабта өткен брифинг барысында атап өткендей, негізгі күш-жігер бөгеттер мен үйінділерді нығайту, құм салынған қаптарды дайындау, ІІМ және ТЖМ бірлесіп халықты эвакуациялау жөніндегі іс-шараларды орындауға бағытталған.

ҚМ 700 адам және 33 техника саны бар жеке құрамның күштері мен құралдарын жіберді. Сондай-ақ, су басқан елді мекендер мен үйлерді күзету бойынша іс-шараларды орындаймыз. Петропавл қаласының тұрғындарын ауыз сумен қамтамасыз ету үшін тыл техникасы бөлінді, - деді полковник.