Ұлттық музейге – 10 жыл

2024 жылғы 5 cәуір күні Мәдениет және ақпарат министрлігінің қолдауы­мен ҚР Ұлттық музейінің 10 жылдығына орай Ұлттық музейде «Дала кескіндемесі: рәміздер, бояулар, бейнелер» атты көрменің салтанатты ашылу рәсімі өтеді. 

Сағат 15:00-де БАҚ өкілдері үшін баспа­сөз туры ұйымдастырылады.
Сағат 16:00-де көрменің ресми ашылуы өте­ді.
Көрме экспозициясы ҚР Ұлттық му­зейі­нің қорларынан жинақталған. Көрме кура­торы – Ольга Батурина (Art Society), өнер­тану профессоры, спикер. 
Мерейтойлық көрме қазақ ұлттық бей­нелеу өнерінің ең жарқын бейнелерін ұсы­нады. Көрмеге көркемсурет туындылары, го­белендермен қатар дәстүрлі қолөнер, зер­­­­герлік және тоқымашылық өнер бұйым­дары, музыкалық аспаптар қойылады. 
Көрмеде Қазақстанның аса көрнекті жә­не танымал өнер шеберлерінің ең кере­мет, аңызға айналған жұмыстары, сондай-ақ жас және талантты авторлардың зама­науи туындылары ұсынылады. Көрмеге кел­ген қонақтар барлығы 50 автордың 250 туын­дысымен таныса алады. Көрмеге Әбіл­хан Қастеев, Әубәкір Ысмайлов, Орал Таң­сық­баев, Салихитдин Айтбаев, Үкі Әжиев, Ай­ша Ғалымбаева, Гүлфайрус Ысмайлова, Ка­мил Муллашев және басқа да көптеген сурет­шінің жұмыстары қойылған. 
Көрменің тұжырымдамасына сәйкес, көр­ме кеңістігі «Қазақ кескіндемесіндегі та­ри­хи сюжеттер», «Табиғат бейнелері – алуан түрлі пейзаждық мотивтер», «Қазақ­стан өнеріндегі суретші әйелдер», «Қазіргі за­манғы өнер – жаңа есімдер» сияқты та­қы­рыптық аймақтарға бөлінген.
Көрмеде белгілі режиссер Бақыт Қайыр­беков­тың «Су жолы» деректі фильмі көрсе­ті­­­леді. Фильмде Қазақстан табиғатының бей­нелері қобыз, домбыра музыкасымен сүйе­мелденіп,  режиссердің өзінің шығарған өлең­дері оқылады.
Art Society – өнер саласындағы білім беру, медиа және маркетинг бағыттары бойын­ша жұмыс істейтін қазақстандық жоба. 2020 жылдан бастап Алматы мен Аста­на қала­ларында өнер саласындағы жо­балармен айналысады. Болашақта Art Society ұжымы өз қызметін бүкіл Қазақстан ау­мағы бойынша кеңейтуді жоспарлап отыр.