Түркістан облысындағы «Қазығұрт» кеден бекетінің лауазымды тұлғалары жүйелі түрде пара алды деген күдікке ілінді, деп хабарлады turkystan.kz.
Otyrar.kz сайтының мәліметінше, тергеу жұмыстарын Сыбайлас жемқорлыққа қарсы іс-қимыл агенттігінің облыстық департаментіндегілер жүргізуде.
«Олар жүк көліктерін кеден бекеті арқылы кедергісіз өткізу үшін сыртқы экономикалық қызметке қатысушылардан 50-ден 200 мың теңгеге дейін пара алу деген күдікке ілініп отыр», – делінген хабарламада.
Қазіргі таңда сотқа дейінгі тергеу жалғасуда.
ҚР ҚПК 201-бабына сәйкес, өзге ақпарат жариялауға жатпайды.