4476
Ақмола облысында бір ай бұрын жоғалып кеткен шетелдік табылды
Ер адамды бір ай бойы полиция қызметкерлері мен еріктілер іздеді
![Ақмола облысында бір ай бұрын жоғалып кеткен шетелдік табылды](https://turkystan.kz/cache/imagine/1200/uploads/resized-images/2024/02/1708854351.webp)
Ақмола облысында жоғалып кеткен Өзбекстан азаматы табылды, деп хабарлады turkystan.kz Tengrinews.kz-ке сілтеме жасап.
Полиция Өзбекстан Республикасының хабар-ошарсыз кеткен азаматы Рахманқұлов Құлмаханбет Абдухалилұлын іздестіріп, тапты. Ер адамды бір ай бойы полиция қызметкерлері мен еріктілер іздеді.
Рахманқұловтың хабар-ошарсыз жоғалып кеткені туралы арыз 22 қаңтарда Біржан сал ауданының полиция бөліміне түскен. Туыстарының айтуынша, 52 жастағы ер адам Краснофлотское ауылының шаруа қожалығында жұмыс істеген.
Іздеу шаралары ауа райының қолайсыздығына қарамастан тоқтаған жоқ. Жоғалған кісі 24 ақпанда Степногорск қаласына жақын орналасқан Қарабұлақ ауылында табылды.