45 градус аяз: 19 ақпанға арналған ауа райы болжамы
Республиканың оңтүстігінде, шығысында, оңтүстік-шығысында, орталықта жел күшейеді, оңтүстік пен оңтүстік-шығыста тұман түседі
Қазгидромет мәліметі бойынша, атмосфералық фронтальды бөліктердің өтуімен Қазақстанның батысында, оңтүстігінде, шығысында және оңтүстік-шығысында қар жауып, бұрқасын күтіледі, деп жазады turkystan.kz.
Республиканың оңтүстігінде, шығысында, оңтүстік-шығысында, орталықта жел күшейеді, оңтүстік пен оңтүстік-шығыста тұман түседі.
Жетісу облысында – 30-35 градус, Шығыс Қазақстан облысының солтүстігі мен шығысында – 45 градус өте қатты аяз болады деп күтілуде. Қарағанды облысының солтүстігі мен шығысында 35-39 градусқа дейін қатты аяз сақталады.
Астанада көшпелі бұлт шығады, жауын-шашынсыз. Жел екпіні 7-12 м/с. Ауа температурасы түнде 33-35, күндіз 23-25 градус аяз.
Алматыда күн бұлтты, жауын-шашынсыз. Жел екпіні 0-5 м/с. Ауа температурасы түнде 21-23 градус, күндіз 12-14 градус аяз.
Шымкентте күн бұлтты, жауын-шашынсыз. Жел екпіні 8-13, жылдамдығы 15-20 м/с болуы мүмкін. Ауа температурасы түнде 8-10, күндіз 0-2 градус суық.
