Атырау облысында 15 адам құтқарылды
Авариялық – құтқару жұмыстарына 5 адам, 2 бірлік техника қатысты.
![Атырау облысында 15 адам құтқарылды](https://turkystan.kz/cache/imagine/1200/uploads/resized-images/2024/02/1707724915.jpeg)
Атырау облысында батпақты жерде қалған 15 адам құтқарылды, деп хабарлады turkystan.kz.
Облысық ТЖД мәліметінше, 11 ақпанда Атырау облысы Исатай ауданына қарасты қыстақтардың бірінен Тұщықұдық ауылына қарай бағыт алған 3 автокөлік батпақты жерге батып, шыға алмай қалған.
Исатай ауданы №6 ӨСБ-нің байланыс бекетіне сағат 23:10 – да шақырту түсті. Құтқарушылар авариялық құтқару – жұмыстарын жүргізуге дереу жұмылдырылды.
Нәтижесінде батпаққа батқан 3 автокөлікті Тұщықұдық ауылынан 20 км қашықтықтан тапты. Құтқарушылар барлығы 15 адамды оның ішінде 8 баланы құтқарып, Тұщықұдық ауылына эвакуациялады. Құтқарылған адамдар медициналық көмекті қажет етпеді, - делінген хабарламада.
Авариялық – құтқару жұмыстарына Исатай ауданы №6 ӨСБ, ЖАО барлығы 5 адам, 2 бірлік техника қатысты.