867
АҚШ-та жүйрік атқа қазақстандық теннисшінің есімі берілді
Жылқының кәсіби рекорды 40 жарысты қамтиды.
АҚШ-та жүйрік атқа қазақстандық теннисші Елена Рыбакинаның есімі берілді, деп жазады Sports.kz.
Equibase-тегі профиліне сәйкес, Рыбакина есімді үш жасар жылқы өзінің жарыстағы мансабын жақында — 2023 жылы бастаған.
Осы уақытқа дейін екі жарысқа қатысып, оның бірінде үшінші орын алды. «Рыбакинаның» жалпы табысы бүгінде 7 340 доллар болған.
Айта кетейік, асыл тұқымды жүйрік атқа Қазақстанның атақты спортшыларының есімін беру бірінші рет емес. 2020 жылдан бері атақты боксшы Геннадий Головкиннің есімімен аталатын Головкин атты сәйгүлік АҚШ-та өнер көрсетіп жүр. Жылқының кәсіби рекорды 40 жарысты қамтиды.
Оның төртеуін жеңіп, алты жарыста екінші және тағы бесеуінде үшінші орынды иеленіп, иесіне 94 809 доллар табыс әкелді.
