Алматыда екі ұлын өлтірді деген күдікпен туған әкесі қамауға алынды

Балалардың мәйіті жалға алынған пәтерде пышақ жарақаттарымен анықталған.

Алматыда екі ұлын өлтірді деген күдікпен туған әкесі қамауға алынды
nur.kz

Алматыда аса айуандықпен өлтірілген екі баланың денесі табылды, деп хабарлады turkystan.kz.

inbusiness.kz сайтының мәліметінше, 8 және 12 жастағы ер балалардың мәйіті жалға алынған пәтерде пышақ жарақаттарымен анықталған.

39 жастағы ер адам өз ұлдарын пышақтады деп күдіктенуде. Сондай-ақ оның алдында ер адам бұрынғы әйеліне хат жазып қалдырған.

«Балаларды қинап өлтіргеніне айғақ – екеуінің де тамағы кесілген. Қолдары байлаулы күйінде табылды. Әдетте қайтыс болғандардың қолдары бос жатса, оларда бәрі жабық... Қарау мүмкін емес. Көршілер балалардың қатты айғайлағанын естіген, полицияны да солар шақырған», - деді туысы Валентина Осина.

Қылмысын әкелері телефонға түсіріп, әпкесі мен бұрынғы әйеліне жіберген. Әкесі қылмыс жасаған соң өзіне де пышақ жарақатын салған, бірақ тірі қалды.

Туыстары ерлі-зайыптылар тоғыз жыл бұрын ажырасып кетсе де, әжелері және балаларымен бірге бір пәтерде тұрғандарын дәлелді. Ал ер адам бір жыл бойы еш жерде қызмет жасамаған.

Анықталғандай, қайғылы оқиға болған күні әкесі балаларды емханаға апарамын деп алып кеткен. Ал шын мәнінде жалға алған пәтерге алып барған. Дәл сол жерден оқушылардың денесі табылды.

«Аталған факт бойынша, Алмалы ауданы Полиция басқармасы қылмыстық істі Қазақстан Республикасы Қылмыстық кодексінің 3-бөлім 99-бабы бойынша тергейді», - деп түсіндірді Алматы Полиция департаментінің ресми өкілі Салтанат Әзірбек.