Қарағандылық ер адам анасынан 1,1 миллион теңге ұрлап кеткен
ҚР Қылмыстық кодексінің 188-бабы "Ұрлық" бойынша сотқа дейінгі тергеу амалдары жүргізіліп жатыр
Қарағандылық ер адам өз анасынан 1 миллион теңге ұрлап кеткен, деп хабарлады turkystan.kz Massaget.kz сайтына сілтеме жасап.
Қарағанды қаласы ПБ Октябрь полиция бөліміне 69 жастағы қала тұрғыны хабарласқан. Белгісіз біреу зейнеткердің шотынан ақпараттық жүйелер арқылы 1 миллион 120 мың теңгені жымқырып кеткені анықталды.
Сонымен қатар қаражат жәбірленушінің ұялы телефонына орнатылған банк қосымшасы арқылы тоғыз айдың ішінде алынған. Демек бұл біреудің жәбірленушінің ұялы телефонына еркін қол жеткізу мүмкіндігін білдіреді. Әйел ұялы телефонды ешкімге бермегенін айтты.
Ақшаны анасымен тұратын 44 жастағы ұлы ұрлағаны анықталған. Ер адамның жұмысы болмағандықтан, үнемі қолма-қол ақша тапшы болған. Ер адам ол мәселені анасының жинақ ақшасын пайдалана отырып, ата-анасының шотынан ай сайын ақша алу арқылы шешкен.
ҚР Қылмыстық кодексінің 188-бабы "Ұрлық" бойынша сотқа дейінгі тергеу амалдары жүргізіліп жатыр.
