Құтқарушылар елордалықтарға мұз үстіне шықпауға кеңес берді
Ауа температурасының жоғарылауы мұздың еруіне және оның жұқаруына әсер етеді.
![Құтқарушылар елордалықтарға мұз үстіне шықпауға кеңес берді](https://turkystan.kz/cache/imagine/1200/uploads/resized-images/2023/12/1703762549.jpg)
Жаңа жылдық мерекелер кезінде елордада ауа райы -2-ден +1 градусқа дейін жылынады. Бұл мұздың күрт еруіне және қалыңдығының төмендеуіне әкеледі. Құтқарушылар астаналықтарға ескерту жасап, су айдындарына барудан бас тартуды сұрайды, деп хабарлады turkystan.kz елорда әкімдігінің сайтына сілтеме жасап.
Желтоқсан айының соңына қарай ауа температурасының жоғарылауы мұздың еруіне және оның жұқаруына әсер етеді.
«Осыған байланысты, мұзда болған кезде күтпеген және төтенше жағдайларды болдырмау үшін Астана қаласының Төтенше жағдайлар департаменті елорда акваторияларының мұз бетінде қандай да бір бұқаралық спорттық іс-шараларды, ойындарды, сырғанауларды өткізуден бас тартуды ұсынады», – делінген хабарламада.
Мұзда қауіпсіз болудың негізгі шарты оның қалыңдығының қоса берілген жүктемеге сәйкестігі: бір адам үшін – кемінде 10 сантиметр, ал бұқаралық спорттық, мерекелік іс-шараларды және автокөлік өткелдерін ұйымдастыру үшін кемінде 25 сантиметр.