Jastar Jalyny жеңімпаздары анықталды
Астананың Жастар саясаты мәселелері басқармасы ұйымдастырған іс-шараға қаладағы 13 ЖОО-ның студенттері қатысқан болатын.
Елордадағы Е.Рахмадиев атындағы Мемлекеттік академиялық филармониясының концерт залында
Jastar Jalyny – 2023 жастар фестивалінің салтанатты марапаттау рәсімі өтті. Астананың Жастар саясаты мәселелері басқармасы ұйымдастырған іс-шараға қаладағы 13 ЖОО-ның студенттері қатысқан болатын.
4 желтоқсан күні басталып, 13 желтоқсанға дейін созылған фестиваль барысында жастар 10 номинация бойынша сынға түсті.
Jastar Jalyny – 2023 фестивалі жастардың шығармашылық әлеуетін ашу, дарынды жастарды анықтау, дарынды балалар мен ұжымдардың шығармашылықдамуына қолдау көрсету және жағдай жасау, рухани және мәдени әлеуетін дамыту, студенттерге эстетикалық және этикалық тәрбие беру жүйесін жетілдіру, белсенді азаматтық, әлеуметтік жауапкершілік, патриоттық сезім, адамгершілік құндылықтар мен көшбасшылық қасиеттерді арттыру мақсатында өткізіліп келеді.
Астана қаласының 13 университеті қатысқан фестивальде жастар эстрада, ұлттық би, заманауи би, музыкалық аспаптар, шахмат, поэзия, медиа, театр, сурет, Qazaq Quiz номинациялары бойынша бақ сынасты.
Jastar Jalyny – 2023 фестивалінің қазылар алқасы еліміздің ең тәжірибелі мамандарынан жасақталды. Бағдарламаны мәдениет және өнер қайраткерлері, еліміздің еңбек сіңірген әртістері, кәсіби хореографтар мен бейнеографтар бағалады.
Фестиваль қорытындысына сәйкес, «Заманауи би» номинациясы бойынша «Turan-Astana» университетінің Tau Rocket би тобы; «Ұлттық би» номинациясы бойынша Қазақ ұлттық хореография академиясының студенттері Сакенова Сания және Струсинская Милана; «Qazaq Quiz» номинациясы бойынша Turan-Astana университетінің Jastar Ortalygy құрамасы; «Шахмат» номинациясы бойынша Astana IT университетінің студенті Ғалымжанұлы Ибрагим; «Поэзия» номинациясы бойынша С.Сейфуллин атындағы қазақ агротехникалық зерттеу университетінің студенті Елдар Сейтханұлы; «Медиа» номинациясы бойынша Turan-Astana университетінің Jastar Tau командасы; «Эстрада» номинациясы бойынша А.Құсайынов атындағы Еуразия гуманитарлық институтының студенті Журтекина Медина; «Сурет салу» номинациясы бойынша Астана Халықаралық университетінің студенті Демина Ангелина; «Ұлттық аспаптар» номинациясы бойынша С.Сейфуллин атындағы қазақ агротехникалық зерттеу университетінің «Шабыт» ұлт-аспаптар ансамблі; «Театр» номинациясы бойынша С.Сейфуллин атындағы Қазақ агротехникалық зерттеу университетінің «Ақжелкен» театры І орынды жеңіп алып, үздік атанды.
Jastar Jalyny – 2023 жастар шығармашылық фестивалінде командалық жүлдесі Гран-при С.Сейфуллин атындағы қазақ агротехникалық зерттеу университетіне табысталды.
Сайыста жеңімпаз болған жастар қаржылай сертификаттармен марапатталды.
Гран-при – 500 мың теңге.
1 орын – 100 мың теңге (10 дана);
2 орын – 70 мың теңге (10 дана);
3 орын – 50 мың теңге (10 дана);
Jastar Jalyny – 2023 байқауы жастар саясаты саласындағы басымдықтар мен міндеттерді іске асыру, қала жастарының шығармашылық дамуына жағдай жасау, студент жастардың рухани-мәдени әлеуетін дамыту мақсатында өткізіледі.
