Палестинаға гуманитарлық жүк тиеген ұшақ Алматыдан ұшып шықты, деп хабарлады turkystan.kz.
Ұшақ экипажы алдымен Ақтауға, одан әрі Мысырға көмекті қажетті жерге жеткізу үшін ұшады. Гуманитарлық көмек Қазақстан Республикасының Президенті Қасым-Жомарт Тоқаевтың тапсырмасына сәйкес, Палестина халқын қолдау аясында жіберілді.
Жүк ұшағымен мемлекеттік материалдық резервтен азық-түлік пен төсек-орын жабдықтары түріндегі гуманитарлық жүктер, сондай-ақ «СК-Фармация» ЖШС дәрі-дәрмектері мен медициналық бұйымдар жөнелтілді. Жүктің жалпы көлемі 38 тоннадан асады. Гуманитарлық жүктерді тиеуді Төтенше жағдайлар министрлігі әскери бөлімінің күштері жүргізеді. Жүк Қызыл жарты ай қоғамының өкілдеріне тапсырылады.