Ұлттық банктің базалық мөлшерлемені төмендетуі депозитке кері әсер етті.
«Қазақстанның депозиттерге кепілдік беру қоры» АҚ теңгедегі мерзімді депозиттер бойынша шекті мөлшерлемені сәл төмендетуді ұсынды, деп хабарлады Turkystan.kz.
Теңгедегі мерзімді депозиттер - қазақстандықтар арасында ең танымал депозит. Cалымшыларға кез келген уақытта ешқандай тәуекелсіз қаражатын алуға және толықтыруға мүмкіндік берілген.
1 желтоқсаннан бастап теңгедегі мерзімді депозиттердің жаңа шекті мөлшерлемесі 15,5%-дан 15,3%-ға төмендейді. Әзірше бұрынғы көрсеткіш сақталып тұр.
Айта кетейік, теңгедегі мерзімді депозиттердің шекті мөлшерлемесіне өзгеріс енгізуге Ұлттық банктің базалық мөлшерлемені 16%-дан 15,75%-ға төмендетуі себеп болып отыр.
