Жүргізуші көлікті мас күйінде тізгіндеген, деп хабарлады turkystan.kz Pavlodarnews.kz сайтына сілтеме жасап.
Облыстық полиция департаменті баспасөз қызметінің мәліметінше, 12 қараша күні сағат 00:25 шамасында Қамзин - Циолковский көшелерінің қиылысында Lexus автокөлігі полиция қызметкерлерінің күдігін тудырған.
Көлікті тоқтату барысында жүргізуші тәртіп сақшыларының заңды талаптарына бағынбай, жылдамдықты арттырып, қаша бастаған.
Малайсары батыр – Российская көшелерінің қиылысында жүргізуші бағдаршамның тыйым салу сигналына өтіп, Toyota Camry автокөлігімен соқтығысты. 30 жастағы жүргізушіге қатысты әкімшілік іс қозғалды, материал сотқа жіберілді, – дейді департаментте.
Сондай-ақ, бағдаршамның тыйым салатын сигналынан өткені және міндетті сақтандыру шартын жасамағаны үшін жүргізушіге 20 АЕК көлемінде айыппұл салынды. Сотқа дейін жүргізуші уақытша ұстау бөлмесіне орналастырылды.
