Қазақстан – Сан-Марино кездесуінің билеттері онлайн сатылымға шықты

Қазақстан футбол федерациясы 2024 жылғы Еуропа чемпионатының іріктеу кезеңіндегі Қазақстан – Сан-Марино матчының билеттері онлайн сатылымға шыққанын хабарлады.

Екі құрама арасындағы ойын 17 қарашада «Астана Арена» стадионында болады. Кездесу сағат 21:00-де басталады.

Билеттерді Ticketon.kz сайтынан сатып алуға болады. Билеттің бағасы 1 500 теңгеден басталады.

Содан соң Қазақстан құрамасы 21 қарашада сырт алаңда Словениямен ойнайды. Матч Люблянадағы «Стожице» стадионында Астана уақытымен сағат 01:45-те (жергілікті уақытпен 20:45) басталады.