Қазақстанның тұңғыш ғарышкері, Халық Қаһарманы Тоқтар Әубәкіров Қарағанды облысындағы Костенко атындағы шахтада болған жантүршігерлік апаттан зардап шеккен отбасыларға қолдау білдірді, – деп хабарлайды Turkystan.kz жергілікті басылымға сілтеме жасап.
«Қаза болғандардың туған-туыстары мен жақындарына қайғыларына ортақтасып, көңіл айтамын. Зардап шеккен кеншілердің тезірек сауығып кетуіне тілектеспін», – деп жерлестеріне көңіл білдірді Т. Әубәкіров Industrial Karaganda басылымы арқылы.
Т. Әубәкіров Қарағанды облысы Қарқаралы ауданының тумасы. Еңбек жолын туған өңірінде комбайнердің көмекшісі, Теміртау қаласындағы құю-механикалық зауытында токарь болып бастаған. Кеңес Одағының Батыры, КСРО еңбек сіңірген ұшқыш-сынақшы.