2689
Белорустар Қазақстан халқымен бірге аза тұтады – Александр Лукашенко
Лукашенко Тоқаевқа көмір шахтасындағы апат салдарынан адамдардың қаза болуына байланысты көңіл айтты.
Беларусь президенті Александр Лукашенко Қазақстан президенті Қасым-Жомарт Тоқаевқа Қарағанды облысындағы көмір шахтасында болған апат салдарынан адамдардың қаза болуына байланысты көңіл айтты, деп хабарлайды Turkystan.kz.
«Беларусь Республикасы Қазақстанның Қарағанды облысындағы көмір шахтасында болған апат салдарынан адамдардың қайғылы қазасы туралы хабарды күйзеле қабылдады», – делінген көңіл айтуда. – Беларусьтар Қазақстан халқымен бірге аза тұтады. Олардың басынан өтіп жатқан қасірет пен орны толмас қайғыға ортақтасады».
Александр Лукашенко қаза болған кеншілердің туыстары мен жақындарына көңіл айтып, зардап шеккендердің тезірек сауығып кетуін тіледі.
