Алматыда жол үстінде көкпар тартқандар ұсталды

Алматы облысында жол үстінде көкпар тартқандар ұсталды. Бұл туралы Алматы облыстық ПД басшысы Бауыржан Аленов мәлім етті, деп хабарлады turkystan.kz Azattyq Rýhy агенттігіне сілтеме жасап. Департамент басшысының мәліметінше, ағымдағы жылдың 2 қыркүйегінде сағат 21:40-та Қонаев қаласындағы «Береке» кафесінің жанындағы Алматы-Өскемен Республикалық маңызы бар автожолының бойында, бір топ адам көкпар ойынын өткізгені туралы хабарлама келіп түсті.

«02.09.2023 жылы 1979 ж.т. азамат балаларының туған күніне орай, Қонаев қаласының шетінде «Көкпар» ұлттық спорттық іс-шарасын ұйымдастырып, оған басқа аудандардың спортшылары қатысқаны анықталды. Қазіргі уақытта полиция қызметкерлері іс-шараның ұйымдастырушысы мен қатысушыларын Қонаев қалалық ПБ-на жеткізді», - деді Бауыржан Аленов.

Көкпарға қатысқан барлық адамдар ҚР ӘҚБтК-нің 434, 406, 590-бабы 5-бөлігі бойынша әкімшілік жауапкершілікке тартылды.

Серіктес жаңалықтары