Ташкентте өткен бокстан әлем чемпионатының күміс жүлдегері Дулат Бекбауов жарыстан кейінгі әсерімен бөлісті деп хабарлады turkystan.kz. Боксшы негізінен әлем чемпионатына «алтын» алуға келгенін айтты. Алайда көрермен куә болғандай, мақсатына бір қадам ғана жетпеді. Отандасымыз финалда жергілікті боксшыға есе жіберген болатын. Енді бұдан сабақ алып, шаршы алаңға қайта оралатынын жеткізді. Боксшы алаңға жиналған көрермен арасында Қазақстаннан барған жанкүйерлер көп болғанын айтып өтті. Сонымен қатар спорт журналисі Аслан Қаженовке берген сұхбатында жеке өмірі туралы да сөз қозғап, жақында үйленуге ниетті екенін жеткізді.