Ташкентте өткен бокстан ерлер арасындағы әлем чемпионатында Нұрбек Оралбай қытайлық қандасымыз Тоқтарбек Таңатқанмен кездесті деп хабарлады turkystan.kz.
80 келіге дейінгі салмақта өнер көрсеткен боксшылар әлем чемпионатының ақтық сынында жұдырықтасқан болатын. Жекпе-жек қазақстандық боксшының пайдасына шешілді. Отандасымыз жеңісінен кейін жанкүйер болған қазақ халқына, ата-анасына, жаттықтырушыларына және Қазақстан бокс федерациясының президенті Кеңес Рақышевқа алғысын білдірді. Айта кетейік, осы әлем чемпионатының 1/4 финалында Тоқтарбек Таңатқан кубалық екі дүркін Олимпиада чемпионы (2016, 2020) және әлем чемпионы (2015) Арлен Лопесті жеңіп, сенсация жасаған еді.