50394
Германияда балаларға қателесіп басқа вакцина салған
Германияда балаларға қателесіп басқа вакцина салған
Германиядағы вакциналау орталықтарының бірінде мамандар қателесіп, үш оқушыға Moderna екпесін салған, деп хабарлады turkystan.kz «Хабар 24» арнасына сілтеме жасап.
Бірақ балаларға «Пфайзер-Байонтек» вакцинасы қарастырылған болатын.
Жергілікті билік өкілдерінің айтуынша, оқыс оқиғадан ата-аналар да, полиция да хабардар. Өз кезегінде тексеріс жүргізген Денсаулық сақтау министрлігі оқушылардың жағдайы жақсы екенін айтып, препараттың ешқандай жанама әсері байқалмағанын хабарлады.
Айта кетейік, Германия желтоқсаннан бастап 5 пен 11 жас аралығындағы балаларға «Пфайзер-Байонтек» препаратын сала бастады. Ал «Модерна» әзірге 12 жастан асқандарға ғана рұқсат етілген.
