50353
Ауыр атлетикадан әлем чемпионаты: Қоржында бір алтын бар
Ауыр атлетикадан әлем чемпионаты: Қоржында бір алтын бар
Өзбекстан астанасы Ташкентте ауыр атлетикадан әлем чемпионаты басталды. Жарыстың алғашқы күнінде Қазақстан қоржынына алтын медаль түсті деп хабарлады turkystan.kz.
Ерлер арасында 55 келіге дейінгі салмақта сынға түскен Арли Чонтей ауыр атлетикадан әлем чемпионы атанды. Ол жұлқа және серпе көтеруден берілген алты мүмкіндікті де сәтті пайдаланды.
Ол жұлқа көтеруде 118 келіні бағындырса, серпе көтеруде 142 келіні еңсеріп, барлық қарсыластарын басып озды. Қоссайыс қорытындысы бойынша Арли 260 келіні көтерді.
Күміс медальді Таиланд, қоланы Болгария спортшысы еншіледі.
Айта кетейік, әлем біріншілігі 17 желтоқсанға дейін жалғасады.
