3844
Нью-Йорк соты Мұхтар Әблязов пен Ілияс Храпуновқа айыппұл санкцияларын салды
Нью-Йорк соты Мұхтар Әблязов пен Ілияс Храпуновқа айыппұл санкцияларын салды

Нью-Йорк федералды соты Мұхтар Әблязов пен Ілияс Храпуновтың бірде-бір наразылығын қабылдамай, оларға айыппұл санкцияларын салды, – деп хабарлайды Әділет министрлігі.
2021 жылғы 18 қазанда Нью-Йорктің Оңтүстік округі бойынша АҚШ Округтік сотының судьясы Элисон Дж. Натан М.Әблязов пен И.Храпуновтың бірде-бір қарсылығын қабылдамай, «БТА Банкі» АҚ мен Алматы қаласы әкімдігінің (бұдан әрі – бірлескен талапкерлер) бірлескен талап-арызы бойынша басталған сот қарауы кезінде заңсыз әрекеттері үшін оларға санкция салды.
Судья Натанның шешімінде, сонымен қатар, Мұхтар Әблязов пен Храпуновқа санкциялар салған АҚШ бітістіруші сотының бұрынғы бірнеше қаулылары (2019 жылғы 3 шілде, 2019 жылғы 15 шілде, 2020 жылғы 7 ақпан, 2020 жылғы 19 мамыр және 2020 жылғы 3 қыркүйек) расталды. Бұл шешім Соттың алдыңғы шешімдерімен қатар, Мұхтар Әблязов, Виктор Храпунов және Ілияс Храпуновтың Бірлескен талапкерлердің АҚШ-та ондаған миллион долларды жылыстатқаны үшін Әблязовке, Храпуновқа және Triadou SPV SA жасанды компаниясына қойылатын талаптары үшін «үлкен маңызы бар» дәлелдемелерді табуына кедергі келтіргенін анықтады.
Сот жауапкерлердің жасырған және қасақана жойған дәлелдері болғандығын, жалған айғақтар бергендігін, сот бұйрықтарын бұзғандығын және сот процесін «мысық-тышқан ойыны» ретінде қабылдағандығын анықтады.
Аталған шешімде айтылған нақты заңсыздықтардың ішінде сот мыналарды атап өтті:
- Мұхтар Әблязов «соттың одан дәлелдемелер ұсынуды талап еткен қаулысын орындамады»;
- «Мұхтар Әблязов өзінде жоғарыда аталған дәлелдердің жоқ екендігін мәлімдеді, бірақ бұл мәлімдеме оның өзінің ант беру арқылы берген айғақтарына қайшы келді»;
- Храпуновтар «ешқандай себепсіз бір де бір қаржылық есеп берген жоқ»;
- Сот «ақпаратты ашу тәртібінің негізгі бұзушысы» деп атаған Ілияс Храпунов Бірлескен талапкерлер өздерінің бірлескен талап-арызын беруден азғана бұрын өзінің барлық хаттарын өшіріп тастап, оның орнына «жүздеген» шифрланған электронды пошта адрестерін қолдана бастады, содан кейін олардың ешқайсысына қол жеткізе алмайтындығы туралы «ойға қонбайтын» мәлімдемелер жасады;
- Ильяс Храпунов сонымен бірге өзі үшінші тұлғаларға жіберген электрондық хаттарын мойындаудан бас тартты және «ондаған немесе жүздеген миллион долларларға қатысты қаржылық операциялар туралы ештеңе білмеймін», деп мәлімдеді;
- Мұхтар Әблязов өзінің меншікті капиталы 20 миллиард АҚШ долларынан асатынын айтып, бірақ оған осы ақшаны табуға және басқаруға жәрдемдескен адамдарды атай алмайтынын мәлімдеді.