Елордада 10 жылдан бері алғаш рет 132 мың қызғалдақ егілді
Нұр-Сұлтанда 10 жылдан бері алғаш рет 132 мың қызғалдақ егілді. Бұл туралы "Астана-Зеленстрой" ЖШС хабарлады, деп хабарлайды ҚазАқпарат.
Компания өкілінің айтуынша, елордаға қызғалдақтар соңғы он жыл ішінде отырғызылмаған.
"Өткен жылғы күзде біз 132 мың қызғалдақ отырғыздық. Мамыр айында олар көтеріліп, қазір жұмыс нәтижесі көрінді. Қызыл, қызғылт және сары қызғалдақтар елорда тұрғындарын қуантып жатыр", - деді"Астана-Зеленстрой" ЖШС өкілі.
Сондай-ақ ол былтырдан бері аумақтарды жақсарту үшін көпжылдық гүлдер көп егіліп жатқанын атап өтті, өйткені олар суыққа төзімді.
