Шардаралықтар мемлекеттік грантпен кәсіптерін өркендетіп отыр

Мемлекеттік грантпен кәсібін дөңгелетіп отырғандардың бірі – Шардара қаласының тұрғыны Серік Тоқмырзаев. Ол 505 мың теңге көлемінде қайтарымсыз мемлекеттік грант алып, пластик терезе, есік даярлайтын цех ашқан. Ашылғанына 1 жыл толған цех өнімдеріне жергілікті тұрғындар тарапынан тапсырыс көп. Кәсіпкер әзірге барлық жұмысты өзі атқарады. Өндіріс орнының иесі сұраныс артып жатса, цех аумағын ұлғайтып, тұрғындарды жұмыспен қамтуды жоспарлап отыр. Дәл осындай грант иесі шардаралық Мысқалбай Ұлназық былтыр қажетті жабдықтар алып, массаж кабинетін ашқан. Бүгінде күніне 7-8 адамға ем-дом жасап, айына орта есеппен 200 мың теңге табыс табады. Бұдан өзге, Шардара ауданының арнайы санатқа жататын тұрғындарына атаулы әлеуметтік көмек төлеуге 887,9 млн теңге қаржы қаралған.